دوای‌ ئه‌وه‌ی‌ له‌ڤیستیڤاڵی ساڵانه‌ی‌ قوتابخانه‌كانی‌ گه‌رمیان سه‌ركه‌وتنیان به‌ده‌سته‌ێنا، كچه‌ وه‌رزشكاره‌كانی‌ قوتابخانه‌ی‌ شه‌م له‌لایه‌ن په‌روه‌ده‌ی‌ گه‌رمیان‌و مه‌ڵبه‌ندی‌ كه‌لاری‌ یه‌كێتیه‌وه‌  خه‌ڵات ده‌كرێن.
له‌وباره‌وه‌ مامۆستا به‌ه‌ار ره‌حیم- مامۆستای‌ وه‌رزش له‌قوتابخانه‌ی‌ شه‌م به‌ژیانه‌وه‌ی‌ راگه‌یاند: دوای‌ ئه‌وه‌ی‌ قوتابخانه‌ی‌ شه‌م له‌فیتسڤاڵی‌ سالاَنه‌ی‌ قوتابخانه‌كاندا له‌گۆڕپان‌و مه‌یداندا سه‌ركه‌وتنمان به‌ده‌سته‌ێنا له‌لایه‌ن په‌روه‌رده‌ی‌ گه‌رمیانه‌وه‌ خه‌لاَتی‌ قوتابخانه‌كه‌مان‌و وه‌رزشكاران كرا. ناوبراو ئاشكرایشی‌ كرد كه‌ ئه‌و خه‌لاَتكردنه‌ له‌ڕووی‌ مه‌عنه‌ویه‌وه‌ بۆ قوتابیان گرنگه‌‌و به‌و كاره‌یش په‌روه‌رده‌ توانیان جارێكی‌ تر خزمه‌ت به‌قوتابیان بكه‌ن.
مامۆستای‌ وه‌رزشی‌ قوتابخانه‌ی‌ شه‌م وتیشی‌: لێپرسراوی‌ مه‌ڵبه‌ندی‌ كه‌لاری‌ یه‌كێـتیش به‌ڵێنی داوه‌ كه‌ خه‌لاَتی‌ قوتابیانی‌ وه‌رزشكار بكات‌و سوپاسی‌ ه‌ه‌ر یه‌كه‌ له‌حه‌مه‌ چاو جوان، لێپرسراوی‌ مه‌ڵبه‌ندی‌ كه‌لار‌و مامۆستا مسته‌فا ره‌شید به‌ڕێوه‌به‌ری‌ په‌روه‌رده‌ی‌ گه‌رمیان ده‌كه‌ین بۆ ئه‌و خه‌لاَتانه‌.