A » B » C »D » E »F » G » H » I» J » K » L » M » N »O »P» Q » R »S» T» U»V »W» X» Y» Z

 تامه‌زرۆبوون

له‌گه‌ڵ دوکه‌ڵی جگه‌ره‌که‌مدا

سه‌رجم ڕۆی بۆ بیرکردنه‌وه‌ له‌ دواڕۆژی یه‌کتر

یان ده‌بێ له‌ عه‌شقدا نه‌ دۆڕێین

یان ئه‌وتا پیربونمان خۆش بوێت

له‌ ڕوانینی سه‌رنج راکێشی تۆدا

یان ده‌بێ باوه‌شی ئه‌وینت خۆشبوێت

یان ده‌ست له‌ وشه‌ی فیراق هه‌ڵگره‌

له‌ دوا ژوانی یه‌کتریدا

یان ده‌بێ ماچی لێوت لا شیرین بێ

یان ده‌بێ قه‌ڵه‌می لێوت بگۆڕیت

له‌ فارغۆنی شه‌مه‌نده‌فه‌ره‌کاندا

که‌ سه‌فه‌ره‌ دوره‌کانی ژیانمان کرد

یان ده‌بێ هه‌میشه‌ سه‌رت بنێیت به‌ سنگه‌مه‌وه‌

یان خه‌وه‌نوچکه‌ی ئه‌وین واز لێبێنه‌

ده‌ستت بێنه‌ ڕۆشتنمان لێره‌ بیرکردنی به‌رده

له‌ جێگای خۆی

ڕاکردنمان به‌ ناو لمه‌کانی ئه‌م قه‌راغی به‌حره‌

هه‌وڵدانه‌ بۆ گه‌یشتن به‌ له‌حزه‌کانی ئه‌به‌دیه‌ت

گه‌ر ده‌ته‌وێ فێری ئامێز بیت

ده‌بێت به‌ حورمه‌ته‌وه‌ گوڵ بۆن بکه‌یت

گه‌ر ده‌ته‌وێ له‌ ناز بگه‌یت

ده‌بێ فێربیت چۆن شه‌رم له‌ ئامێز بکه‌یت

ئه‌مه‌ ئه‌و ڕێگا سه‌خته‌ی ژیانه‌

یان ده‌بێ کلیلی هه‌موو ده‌رگاکان له‌ خۆت حه‌رام بکه‌یت

یان ده‌بێ ژور به‌ ژوری ئه‌م جه‌هه‌نه‌مه‌ سه‌ردان بکه‌یت

ئه‌مه‌ ته‌ره‌ بون نیه‌ له‌ ئاو هاورێ

ئه‌مه‌ چاوشارکێو ماڵه‌ باجێنه‌ نیه‌

ئه‌مه‌ کوێستان و گه‌رمیانی باڵنده‌کان نیه‌

ئه‌مه‌ دارخستنی له‌ش و لاری پاساریه‌ گوڵێ

ئه‌مه‌ خه‌ونی وه‌دیهاتوه‌ ئه‌زیزم

لێره‌وه‌ ده‌بێ فێربین دژ به‌ مانای چی

له‌ گه‌ڵ شه‌پۆلی ئاودا

لێره‌وه‌ ده‌بێ هه‌میشه‌ له‌ هه‌وره‌ بروسکه‌ بڕوانین

لێره‌وه‌ ده‌بێ فێربین گریانمان له‌ چی و خه‌ندامان له‌ چی

زه‌رده‌خه‌نه‌کانی مناڵی مانای چی بوون

وڕک گرتن له‌ تیلتیله‌ چ حیکمه‌تێ بوو

گوێ هه‌ڵده‌خه‌م له‌ تۆو له‌ خۆم

هه‌میشه‌ گوێ ڕادێری ترپه‌ی دڵ و

هاتنی پایزه‌ی وه‌رزین

هه‌ڵده‌وه‌رێین و زه‌رده‌بین و

سارمامان ده‌بی که‌ چی باکمان نیه

ده‌ستی گه‌رمی من و باوه‌شی ساردی تۆ

بورکانه‌ بورکان هاوڕێ

گوێ ڕادێرین

ئاوازێکی ئارام خه‌یاڵمان له‌ گه‌ڵ خۆی به‌رێ

تۆ هه‌میشه هاوڕێمی ئه‌م تامازرۆبونه‌ مانای چیه

که‌ له‌ تابلۆ جوانه‌کانی هه‌ستێك ده‌ڕوانم

تۆ له‌ گه‌ڵ ڕه‌نگه‌کاندا تێکه‌ڵی

ئه‌م حه‌سره‌ته‌ مانای چی

خه‌یاڵ ئه‌مبا له‌ گه‌ڵ خۆی

‌له‌ گه‌ڵ سوتانی باڵی په‌پوله‌ نه شاره‌زاکانی ئه‌وێنده‌ر

من ئه‌سوتێم و تۆش بێ ده‌نگی

ئه‌ گه‌ڕێم و ئه‌ گه‌ڕێم

شه‌و ته‌ره‌ ده‌که‌م له‌ خۆم

بست به‌ بستی سه‌حراکان ئه‌پشکنم

وونی هاوڕێ

ویستمان بژین چی ژیانێک

گوڵی ئێمه‌ هه‌میشه‌ ئه‌ڕوانینه‌

ئه‌و دیو په‌نجه‌ره‌کانی زه‌مه‌نه‌وه‌

بڵێی هه‌ورێ بێت له‌ کابوسی ڕقمان بشواته‌وه‌

سوێندت ئه‌ده‌م

له‌و ڕۆژه‌ی بڕیارماندا یه‌کتر بدوێنین

تامه‌زرۆبونمان زۆر لا شیرینه‌

ئه‌کرێ ترسمان بشکێ

له‌ ماچ

له‌ فڕین

له‌ ده‌ست گرتن

له‌ فیراق

له‌ هه‌مو شتێ که‌ ڕێگره‌ له‌ چونمان

بۆ سه‌راب...........

ئه‌م پێکی ژیانه‌ چه‌ند تاڵه‌

ئه‌ی مه‌ست

ئه‌م مه‌ستبونی جوتبونه‌ چه‌ند شیرینه‌

ئه‌ی له‌ش

ئه‌م هاواری به‌یه‌ک گه‌یشتنه‌ چه‌ند دوره‌

ئه‌ی حه‌سره‌ت

تامه‌زرۆت بووم

له‌و ڕۆژه‌ی بومه‌ هاورێی ساقی

له‌و کاته‌ی کۆتره‌ باڵ شکاوه‌که‌ فڕی

له‌و گه‌ڵایه‌ی ئاوڕی له‌ دار نه‌دایه‌وه‌

له‌و چاوه‌ی ڕێزی بۆ فرمێسک نه‌بو

له‌و ساته‌ی که‌ من و تۆی به‌ یه‌ک ناسانت

تامه‌زرۆتم .......

   ئومێدی حاجی

 دیسه‌مبه‌ری 2008

‌

په‌ی بردن

سه‌رێ بده‌ له‌و ماڵه‌ چۆڵانه‌ی دڵم

عه‌یامێکه‌ به‌ بێ تۆ سارد وسڕن

له‌و نیگا وێرانه‌ی تۆوه‌ خه‌نده‌یه‌کی ئه‌به‌دی ئه‌مدوێنێ

ئه‌م مات بونه‌ت ئاسته‌مه‌ بۆ دڵ

ئه‌م تێکردنی شه‌رابه‌ت شوره‌ییه‌ بۆ ساقی

ئه‌م گریانه‌ بێده‌نگیه‌ت

له‌ بار چونی ده‌ست گرتنی پێکه‌وه‌ بونمانه‌

ئه‌م خه‌یاڵه‌ دوور ڕۆشتنه‌ت

مه‌ستبون و کپکردنی بولبوله‌ له‌ باخی ئه‌ویندا

ئه‌م گرتنی کوپه‌ی ده‌ستت

سه‌ر لێشێوانی ماڵه‌ بێ هۆده‌کانی عه‌شقه‌

ئه‌م بێ جورئه‌تییه‌ی ماچ کردنت

په‌نا بردنه‌ بۆ خه‌یاڵه‌ فریودراوه‌کانی عه‌شق

هاوڕێ په‌ی به‌ره‌ به‌ بونم

چاوداخستنت له‌ کاتی لێوگه‌زیندا

پڕ کردنی ته‌مه‌نه‌ کورته‌که‌نی عه‌شقه‌

له‌ کوێوه‌ بێیت ده‌رگاکانی به‌هه‌شت کراوه‌یه‌

له‌ کوێوه‌ بێیت شه‌ونم له‌ سه‌ر په‌ڕه‌ی گوڵ شه‌رمه‌زاره

من په‌ی ده‌به‌م به‌ هه‌ناسه‌ فریودراوه‌کانی تۆ

من په‌ی ده‌به‌م به‌ شه‌رم کردنی وشه‌ دۆڕاوه‌کان

من له‌ هه‌مو ده‌سته‌کان گه‌یشتوم

ده‌ستێ نیه‌ وه‌ک ده‌ستی تۆ بێ شه‌رم بێ هاوڕێ

چاوێک نیه‌ وه‌ک جاوی تۆ هه‌میشه‌ به به‌زه‌یی بێت

منێکی هیلاک به‌ هه‌موو به‌شه‌رییه‌ت له‌ تۆ بێزار نیم

منێک به‌م وێرانیه‌وه‌ هه‌میشه‌ هه‌ست به‌ دڵ ڕه‌قیت ناکه‌م

ئای له‌ ساته‌ له‌ ده‌ست چووه‌کانی من و تۆ

ئای له‌و داره‌ پیره‌ی منو تۆی به‌یه‌ک گه‌یاندو پیری کردین

ئای له‌و مناڵه‌ هارو هاجانه‌ی که‌ باسمان ده‌که‌ردو ناومان دانان

فریو دراین هاوڕێ به‌ شته‌ نه‌گه‌یشتوه‌کانی من و تۆ

مه‌ست بوین به‌ شته‌ ناسکه‌کانی جێژوان

خه‌یاڵ بوین به‌ سارابه‌کانی ئه‌وێنده‌ر

له‌ وه‌رینی گه‌ڵاوه‌ ده‌بێ فێربین سه‌فه‌ر مانای چی گوڵێ

له‌ ڕۆشتنی ناو باخچه‌وه‌ ده‌بێ فێربین جوتبوون مانای چی گوڵێ

له‌ ناسکی ئه‌و ئاوازانه‌وه‌ ده‌بێ فێربین په‌ی بردن مانای چی گوڵێ

 په‌ی به‌ره‌ هاوڕێ به‌ بوونمان

په‌ی بردن به‌ من په‌ی بردنه‌ به‌ ویستمان

په‌ی به‌ره‌ هاوڕێ   مای 2008

زه‌مه‌نێک  له‌ ئاوابوون
ئومێدی حاجی.

له‌ هێمنی تۆدا

هه‌ست به‌ جوانی شه‌رمنیت ده‌که‌م

له‌ نیگای  وێرانی تۆدا

هه‌ست به‌ ئارامی ڕۆح ده‌که‌م

له‌ دوای تۆ........

ڕووکردنه‌ گوڵ دوڕوییه‌

مه‌ست بوون شێتیه‌

ده‌م کردنه‌وه‌ی خونچه‌ بێ به‌هره‌ییه‌

زه‌لیل بووم که‌ تۆم ناسی

بڕۆیت یان نا

زه‌مه‌نێکی له‌ ئاوابوون

په‌ڕه‌یه‌کی له‌ یاده‌کانم ته‌مه‌نێکی له‌ سه‌ر سپی بوونم

ئه‌ی ناسکتر له‌ په‌ڕه‌ی گوڵ

بۆن کردن به‌ گوڵه‌وه‌ ماڵ کوژی نیه‌

ده‌ست نه‌ بردن بۆ سێو شه‌رم کردن نیه‌ له‌ باخچه‌

وه‌رینی گه‌ڵا له‌ پایزدا ڕێز نیه‌ بۆ به‌هاری هه‌میشه‌ سه‌وز

تۆیه‌ک به‌م هه‌موو حه‌زه‌وه‌

من فێر ده‌که‌ی مێ په‌رست بم، سوجده‌ هه‌میشه‌ بۆ باوه‌ش به‌رم

له‌ به‌هه‌شتی ئه‌ویندا حه‌ز به‌ گه‌رمی جه‌هه‌نه‌م ده‌که‌م

ئه‌ی تاقانه‌ بچکۆله‌که‌ی ماڵم

چۆن دڵت هات ده‌ست به‌ری بۆ ئاگر ده‌م به‌ری بۆ مالئاوایی

بزانیت یان نا بازاڕی عه‌شق هه‌ڕاج فرۆشه‌ له‌م بێوه‌فاییه‌دا

ته‌مه‌ن ئه‌مان کڕێ و به‌جێمان دێڵێ هه‌ست بکه‌ هاوڕێ

له‌ ده‌رگای هه‌ر ماڵێکمان دا به‌ قوفڵ کلیل درابوو

له‌ قه‌راخی هه‌ر ده‌ریایه‌ک له‌نگه‌رمان گرت شه‌پۆل هه‌راسانی کردین

له‌ ژێر چه‌تری هه‌ر بارانێکدا خۆمان گرت ته‌ڕ بوین وه‌ک یه‌که‌م بینینی ڕوتی

له‌ پێکی هه‌ر شه‌رابێکمان دا خه‌یاڵ بووین وه‌ک دوای جوت بوون

هاوڕێ گیان....

بیرم که‌یت یاخود نا

قوڵپیت له‌ گه‌روومدا...ده‌ستی له‌ کاتی نزادا

بویت به‌ خه‌ون و نۆته‌و ژه‌نینی ده‌ستم

بویت به‌ هه‌ور و ته‌م و برینی ڕۆحم

بویت به‌ ناسنامه‌ی ئه‌م دڵه‌ بێ لانه‌یه‌م

ئه‌ی زه‌مه‌نی ئاوابوونم

چاوێک ببڕه‌ ئه‌و ساته‌ی وون ده‌بین

ئاهێکی قووڵ هه‌ڵمژه‌بۆ ئه‌و کاته‌ی یه‌کترمان ناسی

من ئه‌م شه‌و زیکری شێتانه‌ ده‌که‌م

له‌ خه‌ڵوه‌تی چاوی تۆدا ئاوێته‌یه‌ک هه‌یه‌ له‌ گه‌ل زڕه‌ی ده‌فه‌که‌مدا

وه‌ره‌و له‌م پایزه‌ ساردو سڕه‌دا بفڕین تا ئه‌وپه‌ڕی ئاواته‌کانمان

بنێرین به‌ باڵی باڵنده‌ کۆچه‌ریه‌کان هه‌واڵی سوتانی باڵی په‌پوله‌

مردنی له‌ سه‌رخۆی خاڵخاڵۆکه‌

ئای هاوڕێ...

من و تۆ که‌ ئه‌وه‌نده‌ شه‌یدای ته‌نیایی بین

ده‌کرێ بارگه‌مان له‌ کوێستان هه‌ڵده‌ین به‌ دڵی گه‌رمه‌وه‌ دژی به‌فر بین

ده‌کرێ جارێکی تر بگه‌ڕێنه‌وه‌ بۆ سه‌رده‌می منداڵی ساده‌ بین وه‌ک یاریه‌کانمان

خودایه‌ ..ئای خودای من

بمانبه‌ره‌وه‌ بۆ لای کوچه‌کانی خۆت

فێرمان بکه‌ تامه‌زرۆبوون مانای چیه‌

ئێمه‌ له‌ ووشه‌کانی بوون لێبوینه‌وه‌

خۆمان داوه‌ته‌ ده‌ست قه‌ده‌ر

ئاخ قه‌ده‌ر....

منت کوشت به‌ چاوه‌ڕوانی و خۆشت پێکه‌نینت به‌ داهاتوو دێت

منت ته‌سلیم به‌ با کردوو که‌ چی خۆت له‌ گه‌ل بۆراندا یاری ده‌که‌یت

منت کرده‌ عه‌بدی که‌سێک و که‌ چی تۆ هه‌ر ده‌ستبازی له‌ گه‌ڵ سۆزانیه‌کاندا ده‌که‌یت

جامی پیاڵه‌م پڕ که‌ ساقی گیان

با شۆر ببمه‌وه‌ بۆناو بوون

من و تۆ له‌ ئه‌زه‌له‌وه‌ وا راهاتویین

تۆ بۆ ئه‌و و من بۆ ته‌نیایی

تۆ بۆ ئه‌و و من بۆ جودایی

ئه‌ی زه‌مه‌نی ئاوابونم .....

  مانگی فێبرواری 2008