ڕازی دڵ

  گه‌ر شێخی‌‌‌ سه‌‌نعانی له‌‌به‌‌ر چی؟

  گه‌‌ر مه‌‌ستی که‌‌نعانی به من چی

  گه‌ر شێت و زانای  له‌‌به‌‌ر  چێ ؟

  تۆ خۆشی مدهۆش من بڵیم  چی

  گه‌‌ر مه‌‌ی فرۆشی له‌‌به‌‌ر  چی ؟

  گه‌‌ر مه‌‌ی نۆشی  به من  چی

  گه‌‌ر شه‌‌ڕ فرۆشی  له‌‌به‌‌ر  چی ؟

  تۆ ڕەخش دەکێشی من بڵیم چی

  ڕۆژانه ڕازی دڵی زۆر که‌‌س

  له نێو کۆڵانی دڵ دەگه‌‌رێ

  شه‌‌وانه له کۆڵانی خه‌یاڵ ویڵه

  به‌دوای  هاودەرد دەگه‌‌رێ

  تۆ که ڕازی دڵ لای که‌‌سێ دەدرکێنی

  پێت وایه ڕاز دەمرێنی ؟

  گه‌‌ر ڕۆژێ ڕاز له‌‌گه‌‌ڵ ڕاز نێوانی نه‌‌بێ

  پێت وانیه خۆت دەمرێنی؟

  که‌‌س هه‌‌یه ڕاز به‌‌مرێنێ

  له نێو دڵ گۆری بۆ هه‌‌ڵقه‌‌نێ ؟

  تا دەمرێ له‌گه‌ڵ خۆی کفن بکا

  له نێوان دوو کێل به‌‌مێنێ ؟

  هه‌‌ر سفرە‌‌یه‌‌ک که ڕاخرا

  پێت وانه‌‌بێ ته‌‌عامی تۆی له‌‌سه‌‌ر بێ

  بڕو بوو سه‌‌ر سفرە‌‌ی که‌‌سێ

  که بۆنی چێشتی خۆتی لێ‌‌بێ

     که‌‌ماڵ ماملێ

 پێنوس ئی شێته یان زانا

هه‌‌ر‌‌شه‌‌و پێنوسی گێل له نێو کۆڵانی قامک دەگه‌‌رێ

خۆی له دیواری خه‌‌یاڵ دەخشێنێ شێت‌‌و‌‌ زانا لێی‌‌نا‌‌گه‌‌رێ

پێنوس وەک که‌‌شتێکه که له دەریای خه‌‌یاڵ دەگه‌‌رێ

شێت‌‌‌وزانا هه‌‌ڵ‌‌دەگرێ به سه‌‌مای هه‌‌ر‌‌‌‌‌دوو‌کیان له‌‌نگه‌‌ر دەگرێ

شه‌‌وێ له کۆڵانی منی شێت

ڕۆژێ له شه‌‌قامی تۆی زانا

پێنوسی به‌‌سته‌‌زمان چ بکا

ئی منی شێت بێ یان ئی تۆی زانا؟

شه‌‌وێ گریان، ڕۆژێ خه‌‌ندە

شه‌‌وێ شێت و ڕۆژێ زانا

شه‌‌وێ گێل و ڕۆژێ مه‌‌ست

ئێوە بلین ئی شێته یان زانا ؟

ئه‌‌ی زانا کاتێ پێنوس وەسه‌‌ما دەخه‌‌ی

بۆچ پێنوسی شێتیک وەگریان دەخه‌‌ی ؟

تۆی شه‌‌و‌‌و ڕۆژ شێت له کۆڵان دەردەکه‌‌ی

بۆچ به به‌‌ردی شعورد شێت زۆر دەکه‌‌ی ؟

ئه‌‌ی عاقڵ‌ و گێل ئه‌ی مه‌‌ست و کوێر‌‌ی دونیایه

ئه‌‌ی عاله‌‌م و زانای که به‌‌رێوەی بێ‌‌یه دونیایه

ڕاست‌‌‌‌‌بژی چون که‌‌‌م‌‌ دەژی، هه‌‌ر ‌‌دێیه به‌‌ر تیغی دونیایه

ڕووخی زیندوو مردووت کفن‌‌‌دەکرێ، ئه‌‌وە دیاری دونیایه

        که‌‌ماڵ ماملێ

منداڵی فرمێسک

گه‌‌ر بوونی خه‌‌یاڵ ڕوو له ژووری خه‌‌یاڵم دەکا

به بۆنی مه‌ست دەبم خۆشم له خۆم وون دەکا

سه‌‌راپای هه‌‌ست و سۆزم ئاوێته‌‌ی گریان دەکا

تێکه‌ڵی وی دەبم فرمێسکی ڕوح دەست پێ‌‌‌دەکا

ئه‌‌وسا به‌‌رەو ته‌‌نیایی دەرۆم دەدوێنم خۆم

جانتا دادەگرم له ناڵه‌‌ی ئازاری خۆم

هه‌‌ر دەرۆم دەرۆم زامی دڵ دەم‌‌گرێنێ

فرمێسکی تۆ دەرژێتێ نێو جام، جام دەبرژێنێ

گه‌‌ردوون بۆ زوو دەوری منداڵیم پێ‌‌دەکه‌‌ی ؟

تا خیرا بۆ دەردو عه‌‌زاب گه‌‌ورەم بکه‌‌ی؟

قاقا و بزەم بۆ زوو له زیزو دوور دەکه‌‌ی؟

تا دڵ زوو ئاواڵیی فرمێسکی ژیان بکه‌‌ی ؟

بۆ ڕۆژێ بزە دەخه‌‌یه سه‌‌ر لێو

تا هه‌‌‌ڵخه‌‌له‌‌تینی من به لێو ؟

گه‌‌ر نایڵێی خه‌‌ندە بێ بدوێنێ لێو

بۆ دیڵێی فرمێسک بێ به‌‌گرێنێ لێو ؟

گه‌‌ر دەم‌‌ژێنی ، بۆ دەم‌‌برژێنی ؟

گه‌‌ر دەمهێنی ، بۆ دەم‌‌‌خنکێنی ؟

بۆ کاتی دیم گریان دێته پیشوازم؟

بۆ ڕۆژی کوێرم گۆچان دەگرێ دەستم؟

فرمێسک دەدوێنم مه‌‌ست دەگرێ دەستم

ئه‌‌و هاته پیشوازم بۆیه هه‌‌ر به‌‌و مه‌‌ستم

من و تۆ پێکه‌‌وە رێبواری رێی دەردین

هه‌‌ر دەرۆین و دەگرین بۆیه هاو‌‌دەردین

دڵ بزمار کراوین به چاویش برژاوین

بۆیه من و تۆ منداڵی فرمێسکی رەژاوین

جێێ‌‌‌ شوێنی فرمێسکی ڕژاو

دەروانمه هه‌‌ر گۆ‌‌شه‌‌و قوژبنێ تا سیمای یار ببینم

 ( ڕۆمان)

 برێنی تێشکی خۆر